NARINGÜL. Yağışın Altında

-

Yağışın Altında

Yağışın altında
bir qadın ağlayar
ağlamasa boğular.

Yağışın altında
bir qadın ağlayar
Son həddə dartınar
içində ağrılar.
Təptəzə, ipisti
göz yaşı doğular

Yağışın altında
bir qadın ağlayar,
saçını küləklər dağıdar.
Külək neft qoxuyar.
Bu şəhər yosunlu dənizə
və qadın
sərxoş balığa oxşayar.

Yağışın altında
bir qadın ağlayar
çırpınar
sahilə can atar.
Nə yazıq bilməz ki,
sahildə yanğın var...